❧ A Monsieur le Daulphin Henry de Valoys avant son advenement à la couronne, sur les chiens qui luy furent presentez à Tours
Lors que les chiens au collier blanc et noir
On t’amena dedans Tours en bel ordre,
Aux approchants ilz faisoient assavoir
Qu’ilz ne vouloient s’espargner de les mordre.
Mais endroict toy, il n’y eut tel desordre,
Car aussitost que tu vins approcher,
Feste ilz te font sans en mal te toucher.
Lors dist chascun : "De ses chiens la nature
Est sage, et vient ce beau Prince lescher
Pource qu’il est de Royalle facture."